Friday, August 28, 2009

ಒಂದಷ್ಟು ಭಾವನೆಗಳು....

ಈ ಯೌವನಾ ಅನ್ನೋದು ಹೇಗಿರುತ್ತೇ....?
        ಹೇ ಯೌವನಾ......,
              ನೀನೆಷ್ಟು ವೇಗ....?
              ಚಿಗುರು ಮೀಸೆಯ ಚೆಲುವ ತುಂಬಿ
              ಪ್ರೇಮ ಮಿಡಿತಕೆ ಶೃತಿಯಾಗುವೆ
ಹೇ ಯೌವನಾ......,
     ನೀನೆಷ್ಟು ರಸಿಕ...?
      ನೀಳ ಜಡೆಗಳ ಮೋಟುಗೊಳಿಸಿ
      ನೈಜ್ಯ ಚೆಲುವಿಗೆ ಬಣ್ಣ ಬಳಿವೆ
ಹೇ ಯೌವನಾ.....,
      ನೀನೆಷ್ಟು ಚಂಚಲಾ....?
       ಖಾಲಿ ಹೃದಯದ ಧ್ವಾರ ತೆರೆದು
        ಚಿತ್ತ ಭ್ರಮಿಸುವ ಕನಸು ತರುವೆ
ಹೇ ಯೌವನಾ....,
        ನೀನೆಷ್ಟು ಕ್ರೂರಿ....?
ಹರೆಯದಲ್ಲಿ ಕಿಚ್ಚೆಬ್ಬಿಸಿ
ಬದುಕ ತುಂಬಾ ನೆನಪಾಗುವೆ.
                                 ಜೋಡಿ
ಅಮ್ಮ...,

ಇವಳು ನೋವಿನಲ್ಲೂ ನಗುವ ಚೆಲ್ಲೋ ಸೌಮ್ಯ ರೂಪ
ವಿಶಾದ ಹೃದಯದೊಳಗೆ ಬೆಳಕು ತರುವ ಆಶಾದೀಪ
         ನೂರೆಂಟು ಭಾವಮಂಥನದೊಳಗೆ ಚಿಂತನೆಯ ಮಂದಗಮನೆ
         ಬಾಳು ಬದುಕಿನ ಮೂಸೆಯೊಳಗೆ ತೇಯ್ದು ಬಂದ ಪ್ರಶಾಂತವಧನೆ
ಇವಳ ನಗು ಉರಿಯೊಳಗೆ ತಂಪು ಸಿಂಚನ
ಮುಗ್ದ ಮಾತು ಮನಸ್ಸಿನೊಳಗೆ ಪ್ರೀತಿ ಚೇತನ
           ಇವಳು ಇವಳೇ.., ಕಳೆಯಲಾಗದ ಸೊತ್ತು.
           ಮುಕ್ಕೋಟಿ ವಜ್ರ ವೈಢೋರ್ಯ ಮುತ್ತು.
                                                                 ಜೋಡಿ
ಮದುವೆಗೆ ಮುನ್ನ ನನ್ನದೊಂದು ಕಿವಿಮಾತು.
  
      ಮದುವೀ ಅಂತಾ ಕುಣಿಬ್ಯಾಡ ಹುಡುಗಾ
       ಹೋರಿಗೆ ಮೂಗಿನ ದಾರ.....,
       ಮಡದೀನ ಕಂಡು ಕಿಸಿಬ್ಯಾಡ ಬೆಡಗಾ
      ಬಲಿಯಾಗೋ ಹ್ವಾತಕೂ ಹಾರ.
ರಾತ್ರಿಯ ಹುಸಿನಗು ಹಗಲಿನ ಕತ್ತರಿ
ಬೇಡಿಕೆ ಪಟ್ಟಿಯ ಭಾರ...,
ಸೋತೆಯಾ..? ಸಿದ್ದನಾಗು ನಿನಗೈತೆ ಹುತ್ತರಿ
ಸಿಡುಕಿನ ಸಾರು ಖಾರಾ....ಖಾರ.
        ವರ್ಷಾದಿ ಕಳೆವುದೋ ಕನಸಿನ ಸಂತಸ
        ಕುಂಯ್ಯಾ,,,, ಅಂತಾವೋ ಕೂಸು
        ಹರ್ಷಾದಿ ಅಪ್ಪನಾದ್ರೆ ಮುಗ್ಯಾಂಗಿಲ್ಲ ಕೆಲಸ
       ಕೂಡಿಸು ಡೊನೆಷನ್ ಗೆ ಕಾಸು.
ಸಂಪತ್ತು ದೌಲತ್ತು ಇಟ್ಕೊಂಡೆ ಅಂದ್ರೆ
ನಿತ್ಯವೂ ನಿನಗೆ ಕೈಲಾಸ
ಬರಬಾತು ನಿಯತ್ತು ಅಂದ್ಕೊಂಡು ಬಂದ್ರೆ
ಪ್ರತಿನಿತ್ಯ ನಿನಗೆ ವನವಾಸ.
                                   ಜೋಡಿ

2 comments:

Unknown said...

olleya kavana joseph. hareyada huchhu bhaavagali muluguva vichitra managalige echharada maatu nimma kavana.

ಗೌತಮ್ ಹೆಗಡೆ said...

:):) vibhinna anubhava needitu nimma kavana.